Análise da presenza de Rosalía de Castro na obra de Antón Zapata García despois dunha breve nota biográfica do poeta de Laxe. O estudo céntrase en dous poemas aparecidos en revistas da emigración bonaerense: “A Rosalía de Castro” en Suevia (1913) e “Rosalía de Castro” en Compostela (1941-1944) e Galicia (1952) [versión incluída no libro A Roseira da Soidade (1954)]. Miro Villar tamén anota a pegada rosaliá noutros fragmentos de poemas e nos diferentes actos públicos do poeta na colectividade galega, así como na prosa en castelán e no epistolario con José Vidal García en 1935 ou Xosé Filgueira Valverde en 1936. Un anexo compila os poemas onde aparece Rosalía.