Recensión do poemario Refutación da musa de Manuel Forcadela publicado por Espiral Maior, interpretado como un universo concentrado de referencias metaliterarias e míticas no que o poeta reflexiona sobre a pegada da herdanza da cultura occidental na creación artística. A conciencia da perda do ideal clásico sería determinante na formación do suxeito autoconsciente contemporáneo, coa perda de inxenuidade que iso implica. A ironía como rexistro do eu lírico revélase así como a máis lúcida posición fronte á evidencia de ambas perdas.