Panorama e análise empírica e sociolóxica das entidades que imprimiron, publicaron e distribuíron poesía entre os anos 1916 e 1936, así como do tipo de canles que esas marcas de orixe supuxeron na incorporación do discurso poético no espazo público galego daquel tempo. Obsérvase a conexión existente entre esas entidades e algunhas cabeceiras xornalísticas do país, así como o peso dalgunhas imprentas vinculadas á Igrexa Católica. O traballo presta atención tamén a algúns dos tipos recorrentes de texto prologal na etapa estudada e á correlación das antoloxías poéticas co plano investigado.