Presentación de Manuel María como poeta nacional. Repásase a súa formación literaria e o compromiso lingüístico co galego que o conduciría a ser un dos principais construtores da lingua literaria da segunda metade do século XX nos eidos poético, narrativo e teatral. A normalización lingüístico-cultural pasaba na concepción de Manuel María por aceptar a simbiose de lingua e pobo. O poeta chairego foi por vocación un poeta nacional-popular, que identificou o abandono da lingua propia coa renuncia ao futuro nacional. A súa lingua literaria defínese como rica, variada e de fonda raíz popular, cun marcado carácter dialectal dirixido á procura dunha maior autenticidade.