Xabier Cordal percorre a obra poética de Serxio Iglesias dende os seus comezos (participación en Ronseltz e no Batallón Literario da Costa da Morte) ata Métodos para afogar un cisne. Deste poemario alúdese ao estilo (“trazo seco a medio camiño entre a evocación e un expresionismo coas cores apagadas”) e á temática dun autor que, na senda de Lois Pereiro, funde "a historia persoal e a nacional, (…) a historia dos restos".