Exposición detallada dalgúns dos principais factores que permiten sustentar o xuízo sobre a lusofilia de Antonio Noriega Varela. Faise a partir de lecturas e referencias literarias, documentos epistolares e probas doutra índole. Entre as relacións de Noriega con escritores portugueses coevos sinálase como a máis relevante a sostida con Teixeira de Pascoaes, sen que isto presupoña menor intensidade de trato lector cos autores clásicos da literatura portuguesa. Arguméntase no traballo que o chamado “poeta da montaña” talvez sexa o poeta galego moderno máis intimamente relacionado con Portugal e a súa literatura, asi como tamén un dos máis lidos e estimados alí.