Na cultura popular de Galiza está testemuñada a tradición panibérica e europea  de preguntar ao cuco cantos anos quedan de vida e, nas mulleres solteiras, cantos anos faltan para casar. No saber popular galego encontráronse exemplos desta tradición en fórmulas rimadas e, mesmo, nalgún caso, perdeuse a referencia ao cuco e ás súas capacidades adiviñatorias para pasar a ser usada nun xogo infantil cunha vasoura ou como un conxuro que se di á xoaniña antes de ela voar.