Recensión da edición d'Os Eoas ao coidado de Manuel Ferreiro que demostra e fixa a existencia dunha versión íntegra e definitiva da obra preparada no seu día por Pondal. O estudo introdutorio á edición reproduce e analiza correspondencia privada de Pondal en relación coa obra e valóranse hipóteses explicativas da súa non publicación en vida do autor. A recensión valora a escrupulosa análise dos materiais mecanoscritos realizada polo editor, así coma os criterios de selección e transcrición aplicados por este. Coméntase tamén brevemente a tarefa levada a cabo por editores anteriores e conclúe sintetizando as conclusiónes ecdóticas e xenolóxicas ás que chega o editor.