Artigo no que Anxo Angueira se propón demostrar que Cantares gallegos, "na súa estrutura e concepción, e no discurso ideolóxico que nel subxace" é un poemario feminista, a pesar de que nel pesase "unha lectura frecuentemente empobrecedora".

Con esta finalidade, Angueira estuda a dedicatoria, o prólogo, a estrutura e o protagonismo da muller en Cantares. Para o autor, nos paratextos e nos textos do libro está presente a problemática "da muller como suxeito literario, social e político".